Hamilton: Ferrari ka një hendek fuqie ndaj rivalëve, por ekipi po punon për ta ngushtuar atë

Lewis Hamilton mbërriti në Miami pas tre garave të para me synimin për të vazhduar nisjen inkurajuese të sezonit. Piloti i Ferrarit u shpreh i energjizuar pas përgatitjeve intensive dhe theksoi se ekipi ka punuar për përmirësimin e makinës.

Sipas telesport, Hamilton tha se ka kaluar shumë kohë në simulator dhe se, pas analizës së garës së fundit, ekipi identifikoi disa probleme që i kushtonin rreth 8–9 të dhjeta për xhiro. Ai shtoi se nuk dyshonte te motori, por te një kombinim faktorësh që tashmë janë rregulluar, dhe se do të jetë interesante të shihet ndikimi i ndryshimeve të rregullores në performancë.

Piloti britanik falënderoi ekipin për përkushtimin në përditësimet teknike, por pranoi se ekziston një hendek fuqie kundrejt Mercedes dhe ndoshta edhe ndaj Ford (Red Bull). Për të kapur këta rivalë, sipas tij, Ferrarit i duhet dyfishimi i ritmit të zhvillimit krahasuar me konkurentët, një sfidë që ai e përshkroi si të vështirë por të domosdoshme.

Hamilton përmendi se, nëse një ekip fiton një të dhjetën, Ferrari duhet të fitojë dy; nëse ata fitojnë dy, Ferrari duhet të fitojë tre ose katër për të mbyllur hendekun, dhe se duhet të vazhdojnë të shtyjnë për të reduktuar deficitin në frontin e motorit, raporton telesport.