Hoxha takohet me Presidentin e Senatit të Rumanisë. Bukureshti mbështet procesin e integrimit të Shqipërisë

Në kuadër të vizitës së tij zyrtare në Bukuresht, ministri për Evropën dhe Punët e Jashtme, Ferit Hoxha, është takuar pasditen e sotme me presidentin e Senatit të Rumanisë, Mircea Abrudean.

Sipas kryediplomatit shqiptar, ky takim ka shërbyer si një mundësi për të rikonfirmuar miqësinë e hershme dhe partneritetin strategjik mes dy vendeve, si dhe për të thelluar angazhimin e përbashkët në forcimin e marrëdhënieve dypalëshe.

Gjatë bisedës, të dy zyrtarët vlerësuan lart rolin kyç të bashkëpunimit ndërparlamentar dhe të diplomacisë parlamentare si mjete efektive për të afruar më tej Shqipërinë dhe Rumaninë.

“Gjatë takimit u rikonfirmua miqësia e hershme dhe partneriteti strategjik mes Shqipërisë dhe Rumanisë, si dhe angazhimi i përbashkët për forcimin e mëtejshëm të marrëdhënieve dypalëshe. Hoxha dhe Abrudean ndanë të njëjtin vlerësim për rolin e rëndësishëm të bashkëpunimit ndërparlamentar dhe diplomacisë parlamentare në afrimin e mëtejshëm të dy vendeve”, theksohet në njoftimin e Ministrisë së Jashtme.

Në fokus të bisedimeve ishte procesi i integrimit të Shqipërisë në Bashkimin Evropian, ku pala rumune ritheksoi mbështetjen e saj të palëkundur, duke vënë në dispozicion përvojën dhe mësimet e çmuara nga rrugëtimi i saj evropian.

Përmes një reagimi në rrjetin social X pas përfundimit të takimit, ministri Hoxha theksoi rëndësinë e shkëmbimit të praktikave më të mira institucionale.

“Diskutuam gjithashtu për forcimin e bashkëpunimit institucional dhe shkëmbimin e praktikave më të mira në konsolidimin e institucioneve demokratike dhe avancimin e së ardhmes sonë të përbashkët evropiane,” u shpreh ai, duke dëshmuar vullnetin e ndërsjellë për intensifikimin e mëtejshëm të partneritetit mes dy shteteve.

📍 Bucharest — A fruitful meeting with the President of the Romanian Senate, Mr. Mircea Abrudean, during my visit to Romania. 🇦🇱🇷🇴

We reaffirmed the longstanding friendship and strategic partnership between #Albania and #Romania, and our shared commitment to further strengthening bilateral relations. We agreed on the important role of interparliamentary cooperation and parliamentary diplomacy in bringing our countries and institutions even closer.

We exchanged views on Albania’s EU accession path, Romania’s steadfast support and the valuable lessons its own European journey offers us, while also discussing stronger institutional cooperation and the exchange of best practices in consolidating democratic institutions and advancing our shared European future.

Thank you, President @AbrudeanMircea, for the warm welcome and excellent exchange.

—

📍 Bukuresht — Një takim i frytshëm me Presidentin e Senatit të Rumanisë, z. Mircea Abrudean, gjatë vizitës sime në Rumani. 🇦🇱🇷🇴

Rikonfirmuam miqësinë e hershme dhe partneritetin strategjik mes #Shqipërisë dhe #Rumanisë, si dhe angazhimin tonë të përbashkët për forcimin e mëtejshëm të marrëdhënieve dypalëshe. Ndamë të njëjtin vlerësim për rolin e rëndësishëm të bashkëpunimit ndërparlamentar dhe diplomacisë parlamentare në afrimin e mëtejshëm të vendeve dhe institucioneve tona.

Shkëmbyem pikëpamje mbi rrugëtimin e Shqipërisë drejt anëtarësimit në BE, mbështetjen e palëkundur të Rumanisë dhe mësimet e çmuara që na ofron përvoja e saj evropiane. Diskutuam gjithashtu për forcimin e bashkëpunimit institucional dhe shkëmbimin e praktikave më të mira në konsolidimin e institucioneve demokratike dhe avancimin e së ardhmes sonë të përbashkët evropiane.

Faleminderit, President @AbrudeanMircea, për mikpritjen e ngrohtë dhe bisedën përmbajtësore.

— Ferit Hoxha🇦🇱 (@HoxhaFer) November 5, 2026

Ende nuk ka komente. Bëhuni i pari që komenton.