E martë, 17 Nëntor 2026
54°F Detroit
Ballina›Futbolli ne Kosove›Alarmi për Zhegrovën zgjat pak, në Itali raportojnë se nuk bëhet fjalë për lëndim serioz

Alarmi për Zhegrovën zgjat pak, në Itali raportojnë se nuk bëhet fjalë për lëndim serioz

Edon Zhegrova mund të rikthehet shumë shpejt në fushën e gjelbër, pasi raportimet e fundit nga Italia kanë sjellë lajme pozitive për gjendjen e tij fizike, siç njofton Telegrafi.

Sulmuesi i Kosovës u detyrua të largohej nga grumbullimi i Kombëtares për shkak të një lëndimi, duke humbur kështu ndeshjen e rëndësishme të mbrëmjes së sotme ndaj Irlandës në Dublin.

Megjithatë, sipas raportimit të mediumit italian “Gazzetta dello Sport”, të cituar nga Telegrafi, gjendja e futbollistit të Juventusit nuk është shqetësuese dhe nuk bëhet fjalë për një dëmtim serioz.

Zhegrova pritet të rikthehet në stërvitje që të mërkurën, fillimisht duke punuar i ndarë nga pjesa tjetër e skuadrës, e më pas, në varësi të gjendjes së tij fizike, mund t’u bashkohet plotësisht bashkëlojtarëve.

Futbollisti kosovar do t’u nënshtrohet edhe ekzaminimeve mjekësore për ta vlerësuar më saktë gjendjen e tij, por në Itali mbizotëron optimizmi për një rikuperim të shpejtë. Madje, nuk përjashtohet mundësia që Zhegrova të jetë në dispozicion të Juventusit për ndeshjen e radhës ndaj Venezias.

Lini një koment