Putin: BE-ja po humbet kapacitetet industriale dhe po mbetet prapa në konkurrencën globale
SHENZHEN, 18 nëntor, ATSH/ Presidenti rus, Vladimir Putin, ka deklaruar se Bashkimi Evropian po humbet kapacitetet e tij industriale dhe po mbetet prapa në konkurrencën ndërkombëtare.
Gjatë një fjalimi në Samitin e CEO-ve të Bashkëpunimit Ekonomik Azi-Paqësor (APEC), Putin u shpreh se BE-ja po humbet pozicionet në garën ekonomike globale.
Në fjalimin e tij, kreu i Kremlinit vuri në dukje edhe ndikimin e sanksioneve perëndimore ndaj Rusisë, duke pretenduar se ato nuk kanë arritur të ndalin zhvillimin e ekonomisë ruse. Ai e paraqiti Rusinë si një ekonomi rezistente ndaj presionit ndërkombëtar dhe u bëri thirrje vendeve të rajonit Azi-Paqësor të zgjerojnë bashkëpunimin ekonomik me Moskën.
Deklaratat vijnë në prag të takimit të parashikuar mes Putin, presidentit amerikan Donald Trump dhe presidentit kinez Xi Jinping, në Shenzhen të Kinës.