Biletat courtside të Knicks të listuara 595,000 dollarë te Madison Square Garden, Cavs rrezikojnë eliminimin

New York Knicks janë vetëm një fitore larg finales së NBA për herë të parë që nga 1999. Pas fitores që i dha avantazhin 3-0 ndaj Cleveland Cavaliers në finalen e Konferencës Lindore, dy bileta courtside në qendër të Madison Square Garden u shfaqën në shitje me çmim 595,000 dollarë për palën.

Sipas Bleacher Report, vendosja në shitje e këtyre biletave erdhi pas ndeshjes ku Knicks fituan 121-108 të shtunën, ndërsa gazetari Steve Popper i Newsday vuri në dukje se për atë shumë mund të blihej një banesë në Oklahoma City. Raporti shkruan gjithashtu se më parë një palë bileta courtside ishte shitur për pak më pak sesa çmimi i sapo publikuar.

New Yorku nuk ka fituar një titull kampion që nga 1973 dhe përpjekja për të kompletuar ‘sweep’-in vazhdon të hënën, kur Knicks do të përballen sërish me Cavs, të cilët tani rrezikojnë të eliminohen. Raporton Bleacher Report.