Dy viktima dhe dy në gjendje kritike në Shëngjin, të rinjtë ishin nga Kosova

Detaje të reja janë zbardhur lidhur me ngjarjen tragjike të regjistruar pasditen e kësaj të mërkurë në Shëngjin. Mësohet se 4 të rinjtë që u morën nga dallgët janë nga Kosova.

Pasditja e tyre në bregdetin e Shëngjinit rezultoi fatale prej dy prej tyre të cilët humbën jetën. Mësohet se dy të rinjtë e tjerë janë nxjerrë nga uji dhe janë në gjendje të rëndë në spital.

Në vendngjarje kanë ndërhyrë forcat e kërkim-shpëtimit dhe Policia e Shtetit, të cilat po punojnë për sqarimin e plotë të rrethanave të ngjarjes dhe dokumentimin e saj.

Autoritetet vijojnë hetimet dhe pritet një njoftim zyrtar lidhur me ngjarjen e rëndë.