Papa Leo bekon kullën qendrore të kishës ‘Sagrada Familia’
Papa Leo XIV ka bekuar kullën qendrore të përfunduar së fundmi të kishës Sagrada Familia të Antoni GaudI-t në prani të anëtarëve të familjes mbretërore spanjolle, kryeministrit dhe qindra peshkopëve.
Me përfundimin e kullës së Jezu Krishtit, më e larta nga 18 në tempull, bazilika ka arritur lartësinë e saj të plotë prej 172.5 metrash. Tani nuk është vetëm kisha më e lartë në botë, por edhe ndërtesa më e lartë e Barcelonës.
Pas një Meshe solemne, Papa tha se më shumë sesa një monument, kjo bazilikë është një vepër në vazhdim, e cila “na kujton se rruga që Krishti na ka treguar është një udhëtim që nuk mbaron kurrë”.
Përpara shërbesës së së mërkurës, Leo ndezi një qiri dhe u lut te varri i Gaudit në kriptën e bazilikës. Dhjetë orë para se ai të kalonte, besimtarët po zgjidhnin vendet e tyre përgjatë rrugës së papës.
Policia vlerësoi se 70,000 njerëz do të rreshtoheshin në itinerarin përgjatë udhëtimit të shkurtër të Papës.
Bekimi i kullave ishte ndalesa e fundit në axhendën e ngjeshur të Leos në Barcelonë, që përfshinte një audiencë me presidentin katalanas, Salvador Illa, një vizitë në një burg të sigurisë së lartë, leximin e rruzares në manastirin e Montserratit dhe një thirrje për unitetin katalanas të bërë në spanjisht dhe katalanisht.
