Sot, dita e fundit e edicionit të katërt të Gjon Mili Video Art Festival

Po zhvillohet sot, më 29 qershor 2026, dita e tretë dhe e fundit e Gjon Mili Video Art Festival në Producers Club Theaters, New York. Mbrëmja përmbyllëse e festivalit sjell një program të veçantë në Sonnet Theater, me krijime shqiptare në zhanre të ndryshme, nga filmi i shkurtër dhe animacioni deri te dokumentari dhe filmi artistik i restauruar.

Programi nis në orën 8:00 PM me një seri filmash të shkurtër. I pari në program është “The Champ”, me regji nga Ermir Keta, i prezantuar si artist i ftuar. Filmi është një prodhim shqiptar me kohëzgjatje 15 minuta.

Më pas shfaqet “Antimuzeu”, me regji nga Renis Hyka, gjithashtu artist i ftuar në festival. Filmi është një animacion i shkurtër shqiptar, me kohëzgjatje 14 minuta.

Një tjetër pjesë e rëndësishme e programit është filmi “SOS”, me regji nga Anita Morina. Ky film i shkurtër shqiptar, me kohëzgjatje 15 minuta, u vlerësua në këtë edicion me çmimin Best Short Film.

Programi i orës 8:00 PM përfshin edhe dokumentarin “Kecka”, nga Fatjet Bajrami, një prodhim shqiptar me kohëzgjatje 5 minuta.

Në orën 9:00 PM, në Sonnet Theater, do të shfaqet filmi artistik shqiptar i restauruar “Kapedani”, prodhim i vitit 1972, me regji nga Muharrem Fejzo dhe Fehmi Hoshafi. Shfaqja e këtij filmi klasik i jep mbrëmjes përmbyllëse një dimension të veçantë, duke lidhur krijimtarinë bashkëkohore të festivalit me historinë e kinematografisë shqiptare.

Pas përfundimit të programit, festivali do të mbyllet me Post Festival Party në Producers Club Bar, ku artistët, pjesëmarrësit dhe të ftuarit do të kenë mundësi të takohen dhe të ndajnë përvojat e këtij edicioni.

Edicioni i katërt i Gjon Mili Video Art Festival përmbyllet kështu me një mbrëmje kushtuar filmit shqiptar, autorëve të rinj, veprave të restauruara dhe dialogut mes artit bashkëkohor dhe kujtesës kinematografike.