Zbulimi i sezonit të fundit në Serie A drejt transferimit në PL, për 40 milionë euro. “Fërkon” duart Juventus

Sipas Gianluca Di Marzio, Fabrizio Romano, Sky Sports Italia etj, Tarik Muharemovic është shumë pranë transferimit te leeds në Premier League për shifrën 40 milionë euro. Boshnjaku shkëlqeu në sezonin e fundit me fanellën e Sassulos, aty ku u transferua nga akademia e Juventusit vetëm për shifrën 2 milionë euro, por bardhezinjtë mbajtën 50% të të dretjave të kartonit të tij për shitjen e ardhshme.

Kjo do të thotë që nëse Muharemovic zyrtarizohet te Leeds për 40 milionë euro, 20 milionë euro do të shkojnë në arkën e Juventusit.

Ishte raportuar se Juventusi po e konsideronte rikthimin e Muharemovic në shtëpi, pasi do t’u kushtonte vetëm 18 milionë euro në vend të tarifës prej 40 milionë eurosh, por ata preferuan të përfitonin vetëm nga shitja dhe të marrin 20 milionë eurot e sigurta.

Qendërmbrojtësi boshnjak do të jetë në Angli gjatë 48 orëve të ardhshme për t’iu nënshtruar vizitave mjekësore dhe për të nënshkruar kontratën. Për të kishte interes edhe nga Bournemouth dhe Sunderland, por Leeds ka vepruar më shpejt.