Agjencia e të Drejtave Civile ngre akuza ndaj Departamentit të Burgjeve për diskriminim ndaj një të burgosuri mysliman gjatë Ramazanit
Komisioni i të Drejtave Civile të Miçiganit ka ngritur akuza ndaj Departamentit të Burgjeve të Miçiganit për diskriminim dhe hakmarrje ndaj një të burgosuri mysliman gjatë muajit të Ramazanit. Ngjarjet lidhen me trajtimin e tij në fasilitetin Oaks në qarkun Manistee në vitin 2024.
Sipas michiganpublic, zyrtarët e burgut urdhëruan të burgosurin të shkojë në segregacion, ku ai u kontrollua i zhveshur, u vendos nën dush dhe iu kërkua të japë mostër urine për një test droge, pavarësisht se nuk kishte indicie për përdorim të substancave. I burgosuri kërkoi kohë shtesë sepse ishte i dehidratuar për shkak të agjërimit, por kërkesa iu refuzua; sipas akuzës, stafi i dha vetëm një gotë ujë dhe më pas e detyroi të pijë ujë të nxehtë nga dushi. Pas një ore e tetë minutash, atij i u vu një masë disiplinore për pretendimin se kishte refuzuar testin.
Hetimi zbuloi se më vonë i burgosuri arriti të japë mostrën dhe rezultati doli negativ, por u mbajt i izoluari për 10 ditë. Një hetim i brendshëm i Departamentit të Burgjeve konstatoi se veprimi disiplinor nuk duhej të ishte marrë, pasi brenda institucionit ishte i njohur rreziku i dehidratimit gjatë agjërimit. Departamenti i të Drejtave Civile kërkon që stafi i përfshirë të trajnohet për mosdiskriminim dhe kundër hakmarrjes, si dhe kompensim për dëmtim emocional, vështirësi ekonomike dhe pronë të humbur gjatë periudhës së izolimit, së bashku me dëmshpërblime të tjera që Komisioni i të Drejtave Civile të Miçiganit të konsiderojë të përshtatshme.
Departamenti i Burgjeve deklaron se nuk toleron diskriminimin dhe ka politika që ndalojnë çdo trajtim të padrejtë për arsye të bindjeve fetare, por kundërshton akuzat e ngritura nga Komisioni i të Drejtave Civile. Çështja do të shqyrtohet nga një gjyqtar administrativ, ndërsa vendimi përfundimtar do të merret nga Komisioni i të Drejtave Civile të Miçiganit, sipas michiganpublic.
