Aksident i rëndë në aksin Elbasan-Peqin! Përplasen dy automjete, tre të plagosur

Një aksident i rëndë rrugor ka ndodhur në aksin Elbasan-Peqin këtë të premte, ku janë përplasur dy automjete, një “Mercedes-Benz” dhe një “Audi A3”.

Sipas informacioneve të para, tre persona kanë mbetur të plagosur, një grua dhe dy burra.

Shkaqet e aksidentit nuk dihen ende, ndërsa në vendngjarje kanë mbërritur forcat e Policisë, shërbimi zjarrfikës dhe autoambulancat.

Ndërkohë, të plagosurit po marrin ndihmën e nevojshme mjekësore.