Avion i vogël humbet pranë Bahameve, katër anëtarë të familjes nga Florida rezultojnë të zhdukur
Një avion i vogël me katër anëtarë të një familjeje nga Florida u zhduk pranë brigjeve të Bahameve ndërsa po kthehej drejt SHBA-së, thanë autoritetet bahamiane dhe Rojës Bregdetare të SHBA-së.
Siç raporton CBS News, një anëtar i familjes i tha Miami Herald se në bord ndodheshin piloti Mario Lamar, 80 vjeç, bashkëshortja e tij Lili Lamar, 79 vjeçe, dhe dy të rinj të familjes: mbesa 28-vjeçare Sofia Sosa dhe nipi 22-vjeçar Christian Sosa.
Policia e Bahameve njoftoi se avioni u nis nga Great Harbour Cay në ishujt Berry dhe po fluturonte drejt Miami Executive Airport. Kontakti me mjetin u humb rreth 13 milje në perëndim të ishullit Andros, ndërsa policia në Andros po koordinon përpjekjet për të lokalizuar një aeroplan që besohet se ka përfunduar në det pranë Red Bays, North Andros.
Autoritetet identifikuan aeroplanin si një PA-34 Piper me pesë vende, me numër bishtor N212ML. Zyrtarët bahamianë kontaktuan Rojën Bregdetare të SHBA-së rreth orës 14:00 për ndihmë, dhe u dërgua një avion HC-144 Ocean Sentry për të mbështetur kërkimet. Operacionet janë pezulluar përkohësisht për shkak të motit të keq, dhe nuk dihet kur do të rifillojnë.
Sipas CBS News, kërkimi u ndërpre për shkak të kushteve atmosferike dhe nuk ka një datë të përcaktuar për rifillim, ndërsa familjarët kanë bërë thirrje për ndihmë në përpjekjen për t’i rikthyer të afërmit e tyre.
