Banorët e Këlcyrës kundër “shkrirjes” me Përmetin, dalin në protestë (VIDEO)

Banorët e Këlcyrës janë ngritur këtë të premte në protestë për të kundërshtuar hapur projektin e reformës së re territoriale, i cili parashikon shkrirjen e Bashkisë Këlcyrë dhe bashkimin e saj me Bashkinë e Përmetit.

Mbasditen e sotme, me dhjetëra qytetarë janë mbledhur në sheshin qendror të qytetit për të shprehur pakënaqësinë e tyre ndaj këtij propozimi, duke e cilësuar atë si një vendim që zbeh vlerat historike, kulturore dhe administrative të zonës së tyre.

Me mesazhet “Këlcyra historike” dhe “Këlcyra e kulturës”, banorët kanë kërkuar vazhdimin si bashki më vete.