Bashkim dhe Nderim për Kryengritjen e Malësisë së Madhe në Kishën e Shën Palit

Pjese e ketyre pergatitjeve jane dhe ato qe po behen nga grupi i valleve " Gjergj Kastrioti" nen drejtimin e koreografes Joli Agolli Paparisto.

Me përkushtim, pasion dhe shumë dashuri për traditën, po vazhdojnë përgatitjet për përvjetorin e Kryengritja e Malësisë së Madhe. Këtë vit, më 11 Prill, në Kishën e Shën Palit, komuniteti shqiptar do të bashkohet si një familje e madhe për të nderuar historinë, sakrificën dhe krenarinë tonë kombëtare. Festimet synojnë të kujtojnë dhe të përçojnë tek brezat e rinj vlerat e guximit dhe të unitetit që karakterizuan malësorët shqiptarë gjatë këtij momenti historik. Pjese e ketyre pergatitjeve jane dhe ato qe po behen nga grupi i valleve ” Gjergj Kastrioti” nen drejtimin e koreografes Joli Agolli Paparisto.

Kryengritja e Malësisë së Madhe ishte një kryengritje shqiptare kundër Perandorisë Osmane që filloi më 24 mars 1911 dhe zgjati deri në verën e atij viti. Ajo u udhëhoq nga Dedë Gjo Luli dhe ka një rëndësi të madhe sepse forcoi kërkesën për autonomi dhe u bë një hap i rëndësishëm drejt Pavarësisë së Shqipërisë në 1912

Çfarë kërkonte kryengritja

Kryengritësit malësorë luftuan kundër reformave dhe presionit osman, duke kërkuar të drejtat dhe vetëqeverisjen shqiptare. Në zhvillimin e saj, kryengritja u lidh edhe me Memorandumin e Gërçës, ku u shpreh qartë kërkesa për autonomi dhe respektimin e ligjit tradicional të Malësisë

Pse është e rëndësishme

Kjo kryengritje tregoi organizimin, qëndresën dhe kurajon e malësorëve shqiptarë dhe është konsideruar një nga ngjarjet kryesore që i paraprinë Pavarësisë së Shqipërisë në vitin 1912.. Ajo simbolizon shpirtin luftarak të popullit shqiptar dhe përkushtimin për liri dhe drejtësi.

Festimet në Kishën e Shën Palit janë një mundësi për të kujtuar këtë trashëgimi historike dhe për të mbajtur gjallë identitetin kombëtar. Të gjithë të interesuarit janë të ftuar të bashkohen në këtë ditë të shenjtë, për të nderuar së bashku sakrificën e atyre që luftuan për lirinë dhe autonominë e Malësisë dhe për të përçuar mesazhin e unitetit dhe krenarisë kombëtare tek brezat e rinj.