Berisha reagon për zjarrin në Himarë: Kukulla e Ramës asnjë fjalë në buletinin e darkës

Situata në zonën e Himarës vijon të jetë e rënduar, ndërsa flakët mbeten aktive. Zjarri është i dukshëm edhe nga distanca, ndërsa vijojnë përpjekjet për vënien nën kontroll të vatrave.

Për situatën ka reaguar edhe kreu i Partisë Demokratike, Sali Berisha. Ai ka akuzuar qeverinë dhe ministrin e Mbrojtjes, Ermal Nufi, për mungesë informacioni në buletinin zyrtar lidhur me zjarrin në Himarë.

“Himara në flakë, Kukulla e Ramës, Nufi asnjë fjalë në buletinin e darkës për Himarën. Turp dhe krim!”, shkruan Berisha në një postim në rrjetet sociale.