Departamenti i Drejtësisë kundërshton përdorimin e doktrinave federale në padinë për zjarret në Kaliforni

Departamenti i Drejtësisë u përfshi në një çështje të rëndësishme ligjore në Kaliforni, duke argumentuar se ligji federal nuk duhet t9i mbrojë 16 kompanitë e sigurimeve që akuzohen për bashkëpunim në anulimin e policave të pronarëve të shtëpive dhe në detyrimin e tyre të kalojnë në një program shtetëror të sigurimit ndaj zjarrit.

Sipas nypost, zyra e Antitrustit e DOJ vendosi të paraqesë një deklaratë interesi përpara gjykatës, jo për të marrë anën në çështje, por për t9u siguruar që gjykatësi të kuptojë saktë implikimet ligjore — veçanërisht rreth përdorimit të doktrinës Noerr-Pennington nga kompanitë e sigurimit për të kërkuar heqjen e padisë.

Padia, e paraqitur vitin e kaluar në Gjykatën e Lartë të Qarkut të Los Anxhelosit nga 60 pronarë shtëpish, sjell pretendimin se kompanitë e sigurimeve vepruan së bashku për të anuluar mbulimin e tyre përpara zjarreve në Palisades dhe Eaton. Si rezultat, banorët u detyruan të merrnin mbulim nën California Fair Plan, që rezultoi në mbulim më të kufizuar dhe shpenzime të larta personale për rindërtimin e shtëpive. Çështja njihet si Ferrier v. State Farm Fire and Casualty Company dhe është ngritur sipas ligjit shtetëror të antitrustit të Kalifornisë.

Zyrtarët e Departamentit të Drejtësisë paralajmërojnë se përhapja e një interpretimi të gjerë të mbrojtjes federale do të mund të bënte që çdo veprim i kompanive për të bashkëpunuar me programe të ngjashme me FAIR të mbrohej automatikisht, duke penguar kërkesat antitrust, dhe për këtë arsye ata duan të shmangin një hedhje të parakohshme të çështjes për shkak të këtij argumenti.

Qëllimi i ndërhyrjes së DOJ, thonë zyrtarët, është gjithashtu të frenojë strategji të ngjashme nga siguruesit në të gjithë vendin dhe të nxisë vlerësim më të kujdesshëm të rrezikut ligjor nga këto kompani — raporton nypost.