Djali i themeluesit të Mango mohon vrasjen e të atit dhe largohet nga posti drejtues

Jonathan Andic, djali i themeluesit të perandorisë së veshjeve Mango, mohoi sot akuzat për vrasje ndaj tij dhe njoftoi dorëheqjen nga posti i zëvendëspresidentit të bordit për t’u përqendruar në mbrojtjen ligjore. Në një leterë të hapur drejtuar stafit, 45-vjeçari e përshkroi akuzën si të rëndë, të padrejtë dhe të pabazuar, duke thënë se do të shpenzonte të gjithë energjinë për të vërtetuar pafajësinë e tij.

Sipas CBS News, Andic u arrestua në Spanjë si pjesë e hetimit për vdekjen e të atit në vitin 2024, por u la i lirë një javë më parë pas pagesës së një garancie prej një milion eurosh. Ngjarja e kishte ndodhur më 14 dhjetor 2024, kur themeluesi i Mango, 71 vjeç, ra nga një lartësi gjatë një ecjeje në malet e Montserrat pranë Barcelonës.

Hetuesit fillimisht e trajtuan vdekjen si aksident, por prokuroria rihapi hetimet në tetor të vitit 2025 dhe i bëri fokus dyshimeve ndaj Jonathan Andic. Në janar 2025 ai ishte emëruar zëvendëspresident ekzekutiv i shoqërisë holdingu të Mango rreth gjashtë javë pas vdekjes së babait të tij. Në letrën e hapur, Andic tha se një narrativë publike e paragjykuar dhe e deformuar kishte krijuar një perceptim fajësie që nuk korrespondon me realitetin.

Ai përsëriti se do të përqendrohet në mbrojtjen ligjore dhe mohoi çdo përfshirje në vdekjen e të atit, raporton CBS News.