Dy persona raportohen të zhdukur në Viti, policia nis hetimet

Dy persona janë raportuar të zhdukur në Viti, ndërsa Policia e Kosovës ka nisur hetimet për gjetjen e tyre, siç raporton “Betimi për Drejtësi” duke u mbështetur në raportin 24-orësh të policisë.

Sipas njoftimit të policisë, personat e zhdukur janë dy meshkuj kosovarë, të cilët kanë dalë nga shtëpia më 22 tetor dhe që nga ajo kohë nuk dihet asgjë për vendndodhjen e tyre.

“Rasti po hetohet nga ekipet relevante”, njofton Policia e Kosovës, pa dhënë detaje të tjera për identitetin apo moshën e personave të zhdukur.

Autoritetet nuk kanë bërë të ditur nëse janë ndërmarrë operacione kërkimi në terren. Hetimet për sqarimin e rrethanave të zhdukjes dhe për gjetjen e dy personave vazhdojnë.