EJAE në Gold Gala me fustan blu të mbuluar me mbi 1,000 copë perlamutre
Në mbrëmjen e kaluar u zhvillua edicioni i pestë i Gold Gala, ku në tapetin e artë u shfaq edhe EJAE, e njohur për rolin në serinë K-Pop Demon Hunters. Ajo zgjodhi për këtë rast një fustan pa rripa të kaltër të çelët me bel në stil basque dhe fund në formë sirene, të firmosur nga marka LEJE.
Sipas Harper’s Bazaar, marka LEJE, e rrënjosur në mjeshtërinë koreane, bashkon elemente tradicionale dhe moderne për të krijuar veshje artizanale të veçanta. Fustani i EJAE-s ishte zbukuruar me më shumë se 1,000 copë perlamutre që formonin një mozaik shkëlqyes të peonive, i cili mbulonte fundin e veshjes sikur të lundronte në ajër pranveror.
EJAE u vlerësua gjithashtu si pjesë e Gold House Gold100, një kolektiv i krijuesve, sportistëve dhe profesionistëve aziatikë dhe të Ishujve Paqësorë që kanë pasur ndikim global gjatë vitit. Ajo mori mirënjohje për punën e saj në këngën “Golden” nga K-Pop Demon Hunters, së bashku me bashkëautorin Mark Sonnenblick, vokalistët Audrey Nuna dhe Rei Ami, dhe producentët Teddy Park, 24 dhe Ido; kënga siguroi fitimin e parë të rëndësishëm Grammy për një krijim K-pop, duke theksuar rolin e saj si urë midis industrisë K-pop dhe skenës globale.
Ndër fituesit e tjerë të Gold100 ishin skaterja olimpike Alysa Liu, regjisorja Chloé Zhao për Hamnet, shkrimtarja Jenny Han dhe aktorja e serialit Lola Tung, Bowen Yang i Wicked: For Good, Michelle Yeoh, regjisori Jon M. Chu, kryetari i bashkisë Zohran Mamdani, aktorja Lucy Liu, dizajnerja Sandy Liang dhe artistët Laufey, Kehlani dhe Bruno Mars. Raporton Harper’s Bazaar.
