I dënua me burg të përjetshëm për vrasjen e një gruaje shtatzënë në Michigan

Tavaris Jackson, 35 vjeç nga Escanaba, u dënua me burg të përjetshëm pa të drejtë për lirimin me kusht për vrasjen e një gruaje shtatzënë në vitin 2023. Jackson u shpall fajtor në mars për vrasje në shkallë të parë, sulm ndaj një personi shtatzënë me qëllim shkaktimin e abortit ose vdekjes së fetusit, si dhe për përdorim të armës në kryerjen e një vepre penale.

Sipas CBS News, prokurorët shtetërorë njoftuan se viktima ishte 22-vjeçarja Harley Corwin nga Escanaba, e cila u vra më 3 korrik 2023, ndërsa trupi i saj u gjet pesë ditë më vonë në një fushë në Ford River Township. Rasti u paraqit fillimisht nga Zyra e Prokurorit të Qarkut Delta, ndërsa Zyra e Avokatit të Përgjithshëm u ngarkua me ndjekjen penale të çështjes në gusht 2023.

Avokatja e Përgjithshme Dana Nessel e përshkroi ngjarjen si një krim të pamëshirshëm që mori jetën e Harley-t dhe të fëmijës së saj të palindur, duke shtuar se asnjë dënim nuk do të fshijë dhimbjen e familjarëve, por se ndëshkimi i përgjegjësit mund tu sjellë pak qetësi. Lajmi për dënimin dhe detajet e hetimit u raportua nga CBS News.