Icardi “shënon gol” edhe në Gjykatë, nuk duhet ti paguajë 250 mijë euro në muaj Wanda Narës

Gjykata e Milanos ka rrëzuar kërkesën e Wanda Narës për një shumë të përkohshme prej 250,000 eurosh në muaj kundër Mauro Icardit, duke e konsideruar atë tashmë të pavarur financiarisht.

Në një urdhër të nënshkruar nga gjyqtarja Anna Cattaneo, gjykata hodhi poshtë kushtet e emergjencës për mbështetje financiare, duke përmendur situatën aktuale financiare dhe të të ardhurave të modeles dhe menaxheres si “shumë të shëndetshme”.

Vendimi thekson se kërkuesi është i ri, i kualifikuar profesionalisht dhe plotësisht i aftë për të gjeneruar pasuri në mënyrë të pavarur, duke pranuar kështu argumentin e paraqitur nga avokatët e sulmuesit, Valeria De Vellis dhe Raffaele Rigitano.

Si pasojë, nuk do të ketë asnjë kontribut financiar mujor nga lojtari deri në vendimin përfundimtar, i cili do të jepet në muajt në vijim.