Irani tërhiqet nga Bienalja e Venecias pak ditë para hapjes për publikun

Irani ka vendosur të tërhiqet nga Bienalja e Venecias së këtij viti vetëm pak ditë para hapjes për publikun.

Në një deklaratë zyrtare, organizatorët e Ekspozita e 61-të Ndërkombëtare e Artit konfirmuan se Republika Islamike e Iranit nuk do të marrë pjesë, pa dhënë ende një arsye konkrete për këtë vendim.

Ky zhvillim nuk vjen si surprizë për shumëkënd, duke pasur parasysh tensionet e vazhdueshme në Lindjen e Mesme, pas përplasjeve mes Shtetet e Bashkuara, Izraelit dhe Iranit.

Edhe pse ka pasur një armëpushim prej disa javësh, situata mbetet e paqëndrueshme, me incidente dhe kërcënime të shpeshta.

Vetë edicioni i sivjetshëm është shoqëruar me sfida të shumta, përfshirë në ekspozitë edhe pjesëmarrjen e Rusisë. Këto zhvillime çuan në dorëheqjen e jurisë, e cila deklaroi se nuk mund të shqyrtonte aplikime nga vende, liderët e të cilave janë subjekt i urdhër-arresteve ndërkombëtare për krime kundër njerëzimit.

Si pasojë e mungesës së jurisë, çmimet kryesore të “Luanit të Artë” për pavijonin më të mirë kombëtar dhe artistin më të mirë do të përcaktohen përmes votimit të publikut, ndërsa ceremonia e ndarjes së çmimeve është shtyrë për në muajin nëntor.