IZRAEL – Herzog bën thirrje për kompromis për formimin e qeverisë

TEL AVIV, 10 nëntor /ATSH-AFP/ – Presidenti izraelit, Isaac Herzog u bëri thirrje sot forcave të ndryshme politike të bëjnë kompromis për të formuar një qeveri të re në Izrael, ndërsa hapi seancën përuruese të parlamentit të ri pas zgjedhjeve që nuk arritën të prodhonin shumicë.

“Shtrijeni dorën për lëshime, përfshirë edhe ndaj rivalëve tuaj”, tha Herzog.

Presidenti goditi tri herë çekiçin për të filluar betimin e Knesetit të 26-të.

Të 120 anëtarët e parlamentit do të betohen më pas, mes pasigurisë në lidhje me formimin e qeverisë së ardhshme dhe të ardhmen politike të kryeministrit në largim, Benyamin Netanyahu./