“Jam gati të stërvit Milan, siç bëri im at. Sa i përket Modricit…”

Në një intervistë të fundit për La Gazzetta dello Sport, Davide Ancelotti shprehu haptazi dëshirën për të qenë trajner i Milanit, njësoj si babai i tij, Carlo Ancelotti.

“A jam një tifoz i Milanit? Përpara se të filloja këtë karrierë, shumë. Nuk turpërohem ta them se, si tifoz, qava në Yokohama pas humbjes kundër Boca Juniors (finalja e Kupës Interkontinentale, koiha e rregullt u mbyll 1-1. Boca Juniors fitoi me penallti). A do ta stërvisja Milanin siç bëri babai im? Sigurisht, dhe gjithashtu ndihem gati ta bëj”, tha Davide.

Gjithashtu, ai u ndal edhe te Luka Modric me të cilin ka punuar për një kohë të gjatë te Real Madrid dhe ndau një anektodë me kroatin protagonist.

“Ai gjithmonë luante duke veshur një palë çorape poshtë çorapeve të Real Madridit. Një ditë, në transfertë kundër Rayo Vallecanos, punëtori i uniformave, i cili ishte si vëlla për të, harroi t’i sillte ato. Luka u tërbua, sepse është lojtar perfeksionist.A na telefonoi ai para se të nënshkruante për Milanin? Në futboll, kjo është normale. Ashtu siç bëri Xabi Alonso para se të merrte drejtimin e Real Madridit nga Ancelotti”, shtoi Davide.

Aktualisht Davide është pjesë e stafit drejtues te Brazili, pasi aventura e tij si trajner i parë te Botafogo u mbyll shumë shpejt.