Janelle Stelson sfidon sërish Scott Perryn në Distriktin e 10-të të Pensilvanisë
Ish-ankorja televizive Janelle Stelson do të përballet sërish me përfaqësuesin republikan Scott Perry në zgjedhjet e nëntorit për Distriktin e 10-të të Pensilvanisë, një garë që pritet të jetë e ngushtë në një zonë që përfshin Harrisburgin, Yorkun dhe rrethinat.
Sipas CBS News, Stelson fitoi primaren demokrate të martën, duke mposhtur komisionerin e qarkut Dauphin, Justin Douglas, dhe siguroi nominimin përballë Perry-t në nëntor.
Në zgjedhjet e vitit 2024, Stelson humbi ngushtë ndaj Perry-t me rreth 5,000 vota. Cook Political Report e klasifikon këtë distrikt si një nga tre në Pensilvani që konsiderohen ‘toss up’, dhe të tre aktualisht mbahen nga republikanët që përpiqen të ruajnë shumicën në Dhomën e Përfaqësuesve.
Stelson mori mbështetjen e guvernatorit të Pensilvanisë, Josh Shapiro, si dhe të Komitetit Demokratik të Fushatave për Kongres (DCCC) gjatë garës së brendshme të partisë.
Scott Perry, ish-kryetar i konservatorëve të House Freedom Caucus, shërben në Kongres që nga viti 2013, kur u zgjodh për herë të parë në Distriktin e 4-t të Pensilvanisë; ripërcaktimi i kufijve i urdhëruar nga gjykata në 2018 e bëri distriktin e tij më konkurues, raporton CBS News.
