Këngëtari D4vd akuzohet për vrasjen dhe gjymtimin e një 14-vjeçareje në Los Anxhelos
Këngëtari 21-vjeçar David Burke, i njohur me emrin artistik D4vd, akuzohet zyrtarisht për vrasjen me paramendim dhe gjymtimin e Celeste Rivas Hernandez, një 14-vjeçare, trupi i së cilës u gjet i dekompozuar brenda automjetit të tij të braktisur në shtator të vitit të kaluar.
Zyra e Prokurorit të Qarkut të Los Anxhelosit njoftoi se ndaj Burke janë ngritur akuza të rënda, përfshirë vrasjen me paramendim, veprime të turpshme me një të mitur dhe gjymtimin e trupit. Viktima ishte raportuar e zhdukur në vitin 2024, ndërsa hera e fundit që u pa ishte më 23 prill 2025, kur kishte shkuar në shtëpinë e këngëtarit në Hollywood Hills.
Që në 8 shtator, vetëm një ditë para ditëlindjes së saj të 15-të, trup të dëmtuar të Celeste Rivas u gjet në një “Tesla Model Y” të regjistruar në emër të Burke, automjeti i të cilit ishte hequr si i braktisur nga një lagje e shtrenjtë. Hetuesit zbuluan mbeturina njerëzore të ndara në qese të ndryshme, duke përfshirë koka, bustin dhe pjesët e tjera të trupit.
Prokurorët kanë përfshirë në padi “rrethana të veçanta” që mund të çojnë në dënimin me vdekje ose burgim të përjetshëm pa të drejtë lirimi, për shkak të vrasjes në pritë, përfitmit financiar dhe vrasjes së një dëshmitari për të penguar hetimin.
Raporti i autopsisë mbetet i fshehtë në këtë fazë për shkak të urdhërit të gjykatës, por pritet të publikohet së shpejti. Burke u arrestua të enjten e kaluar në Hollywood dhe mbetet nën akuzë.
Avokatët mbrojtës e mohojnë përgjegjësinë e artistit dhe janë zotuar për një mbrojtje të fortë, duke argumentuar se Burke nuk është shkaku i vdekjes së Celeste Rivas Hernandez.
Këngëtari D4vd u bë i njohur globalisht në vitin 2022 me këngën “Romantic Homicide”, e cila u bë e popullarizuar në TikTok. Ai pati një ngritje të shpejtë në industrinë muzikore, duke nënshkruar kontrata me shtëpi diskografike të njohura si Interscope Records.
Pas ngjarjes, ai anuloi pjesën e mbetur të turneut në Amerikën e Veriut dhe atë evropian. Procesi gjyqësor për këtë çështje po zhvillohet dhe mbetet ngjarja që po shqetëson komunitetin dhe autoritetet lokale.
