Kisha e Shën Palit kremton festën e Shën Nënë Terezës më 5 shtator
St. Paul Albanian Catholic Church në Rochester Hills do të kremtojë të shtunën, më 5 shtator 2026, festën e Shën Nënë Terezës me një meshë të posaçme që do të mbahet nga ora 18:00 deri në 19:30.
Kremtimi i Nënë Terezës është një nga aktivitetet e rëndësishme të fillimit të shtatorit në kalendarin e kishës dhe sjell së bashku besimtarë e familje të komunitetit shqiptar të Michiganit.
Shën Nënë Tereza, e lindur si Anjezë Gonxhe Bojaxhiu në Shkup në një familje shqiptare, u bë një nga figurat shqiptare më të njohura në botë për veprimtarinë e saj humanitare. Ajo u shpall shenjtore nga Kisha Katolike në vitin 2016.
Mesha e 5 shtatorit në Kishën e Shën Palit do t’i kushtohet kujtimit dhe veprës së saj, ndërsa aktiviteti është pjesë e një serie ngjarjesh që kisha organizon gjatë muajit shtator në nderim të Nënë Terezës.
Në kalendarin e muajit është parashikuar gjithashtu St. Mother Teresa Memorial Golf Outing, më 20 shtator, si dhe një tjetër aktivitet kushtuar Nënë Terezës më vonë gjatë muajit.
