Melania Trump rikthehet me nismën “IMPERIA” – “Davosi për gratë”, javë intensive mes Nju Jorkut dhe Uashingtonit

Pas një mungese të gjatë verore, Melania Trump do të jetë shumë e pranishme në publik gjatë javës së ardhshme, me një axhendë intensive që shtrihet nga Nju Jorku deri në Uashington. Detajet i ka dhënë ekskluzivisht për USA Today këshilltari i saj i lartë, Marc Beckman.

Më 22 shtator, zonja e parë do të promovojë nismën e saj “Fostering the Future Together” dhe do të takohet me zonjat e para të 57 vendeve gjatë javës së nivelit të lartë të Asamblesë së Përgjithshme të OKB-së në Nju Jork, në hotelin St. Regis. Beckman zbuloi gjithashtu partneritete të reja me kompani kryesore teknologjike.

Një ditë më vonë, më 23 shtator, Melania Trump do të bjerë kambanën e hapjes së Bursës së Nju Jorkut (NYSE) dhe do të lansojë nismën e re “IMPERIA” – një forum dhe rrjet për CEO gra dhe anëtare të bordit ekzekutiv (C-suite). Eventi i parë, me ftesa, organizohet nga vetë NYSE. “Kjo nismë do të sigurojë një forum dhe rrjet për gra të fuqishme që të bëjnë biznes së bashku, të lëvizin kapital, të ndikojnë në politika dhe të bashkëpunojnë ndërmjet sektorëve”, tha Beckman, i cili e quan nismën “Davosi për gratë”.

Më 24 shtator, Melania do t’i bashkohet presidentit Trump për të pritur presidentin kinez Xi Jinping dhe bashkëshorten e tij Peng Liyuan në vizitën shtetërore në Shtëpinë e Bardhë. Zonja e parë ka mbikëqyrur personalisht përgatitjet, përfshirë Darkën Shtetërore.

Java mbyllet më 25 shtator, kur të dy çiftet do të shkojnë së bashku në Arkivin Kombëtar për të parë nga afër Deklaratën e Pavarësisë së SHBA-së.

Burimi: USA Today