Ndarja e Servet Pëllumbit nga jeta, reagon Rama me foton e protestës së 1996

Kryeministri Edi Rama ka reaguar për ndarjen nga jeta të ish-kryetarit të Kuvendit të Shqipërisë, Servet Pëllumbi, duke e kujtuar atë me një mesazh të shkurtër në rrjetet sociale.

Edi Rama publikoi një status ku shkruante:

“Lamtumirë Profesor i dashur”, duke shprehur ngushëllimet për humbjen e figurës së njohur të politikës dhe akademisë shqiptare.

Postimi i kryeministrit është shoqëruar edhe me një fotografi nga arkivat e periudhës së tranzicionit, ku shfaqen momente nga protesta e njohura e Partisë Socialiste në referendumin e vitit 1996.

Servet Pëllumbi, i cili u nda nga jeta në moshën 89-vjeçare, ishte një nga figurat e rëndësishme të së majtës shqiptare dhe një prej protagonistëve të jetës parlamentare në periudhën e tranzicionit.

Ai mbajti detyrën e Kryetarit të Kuvendit në vitet 2002–2005 dhe më herët ishte aktiv në strukturat drejtuese të Partisë Socialiste, duke luajtur rol në zhvillimet e brendshme politike të kësaj force.