Një 26-vjeçar nga Clinton County akuzohet për të shtënë mbi dre nga automjeti
Një 26-vjeçar nga Clinton County, Thomas House nga St. Johns, është paraqitur para gjykatës nën 50 akuza që përfshijnë shkelje me armë dhe shkelje të ligjeve të gjuetisë, njoftuan zyrtarët e Departamentit të Burimeve Natyrore të Michiganit (DNR). Ai u paraqit në seancë të enjten e kaluar.
Sipas michigannewssource, oficerët e DNR morën më 13 tetor 2025 një sinjal në linjën Report All Poaching Hotline që tregonte se një person po qëllonte dre nga një automjet gjatë natës duke përdorur një pushkë semiautomatikë me shtypës zëri. Hetimi konkludoi se House udhëtonte natën, ndriçonte dhe qëllonte drejt dreve nga automjeti dhe më pas i linte kafshët të kalben pa i shfrytëzuar. Sinjali poashtu tregonte se aktiviteti i paligjshëm kishte ndodhur disa herë në pjesën veriore të Clinton County dhe në jug të Gratiot County.
Kapiteni David Malloch, mbikëqyrës i Divizionit të Zbatimit të Ligjit të DNR, tha se ky rast tregon rëndësinë e bashkëpunimit të publikut me oficerët e konservimit. Ai theksoi se një njoftim i tillë, i ndihmuar nga një hetim i hollësishëm dhe i gjatë, ndihmon në mbajtjen e përgjegjësisë për shkeljet ndaj ligjeve të mbrojtjes së burimeve natyrore dhe i ftoi qytetarët të raportojnë menjëherë çdo aktivitet të dyshimtë. Për të denoncuar një krim ndaj burimeve natyrore, DNR njofton se mund të telefononi ose dërgoni SMS në linjën Report All Poaching Hotline: 800-292-7800.
Hetimi dhe ndjekja penale u mbështetën në provat dhe informacionet e mbledhura nga DNR, siç është raportuar edhe në michigannewssource.
