Një kryetar bashkie në Meksikë që mbijetoi një atentat muaj më parë u vra në zyrën e bashkisë

Një kryetar bashkie lokal në qendër të Meksikës u ekzekutua brenda godinës së administratës vendore, njoftuan autoritetet. Ngjarja ndodhi në Temoac, në shtetin Morelos, dhe ekspertët forenzikë gjetën trupin brenda ambienteve të qeverisë lokale. Prokuroria shtetërore tha se po zhvillohet një operacion për kapjen e përgjegjësve.

Sipas CBS News, kryetari Valentin Lavin, aleat i partisë së majtë të presidentes Claudia Sheinbaum, kishte shpëtuar nga një sulm i armatosur në janar përpara vrasjes së fundit.

Morelos ndodhet pranë Ciudad de México dhe është një nga zonat ku veprojnë grupe kriminale që luftojnë për kontrollin e territoreve. Që nga viti 2006 rreth 100 kryetarë bashkish janë vrarë në Meksikë, ndërsa të dhënat zyrtare tregojnë se që kur qeveria aktuale mori detyrën në tetor 2024, 14 kryetarë janë vrarë, tre prej tyre gjatë vitit 2026. Autoritetet po lidhin shpesh këto sulme me përplasjet midis kartelëve dhe shënjestrimin e zyrtarëve vendorë.

Hetimet për vrasjen e Valentin Lavin vazhdojnë dhe policia po ndjek pista për të arrestuar përgjegjësit; Sipas CBS News, autoritetet kanë njoftuar se operacionet për kapjen e autorëve janë në zhvillim e sipër.