E mërkurë, 18 Nëntor 2026
54°F Detroit
Ballina›Lajme nga Shqiperia›Nuk u kthye në burgun e Rrogozhinës pas lejes së veçantë, shpallet në kërkim 34-vjeçari, i kishin mbetur edhe 18 muaj dënim

Nuk u kthye në burgun e Rrogozhinës pas lejes së veçantë, shpallet në kërkim 34-vjeçari, i kishin mbetur edhe 18 muaj dënim

Një i burgosur nuk është kthyer në burgun e Rrogozhinës pas përfundimit të lejes së veçantë dhe është shpallur në kërkim. Siç njofton BalkanWeb, Aurel (Artir) Hoxha, 34 vjeç, banues në Durrës, kishte dalë me leje të veçantë nga data 13 nëntor deri më 17 nëntor 2026, por pas përfundimit të saj nuk u paraqit në IEVP Rrogozhinë.

Hoxhës i kishin mbetur edhe 18 muaj dënim për ta vuajtur. Ai është dënuar për veprën penale “Prodhimi dhe shitja e narkotikëve”, siç njofton BalkanWeb.

Pas mosrikthimit, policia e Kavajës e shpalli 34-vjeçarin në kërkim. Materialet procedurale iu referuan Prokurorisë së Juridiksionit të Përgjithshëm Durrës, për veprime të mëtejshme, për veprën penale “Largimi i të burgosurit nga vendi i qëndrimit”.

Lini një koment