Pace Prints blen Brand X Editions: lind gjiganti i printimit të artit në Nju Jork

NJU JORK – Pace Prints, një nga shtëpitë botuese më të shquara të printimeve të artit në Amerikë, ka blerë botuesin tjetër Brand X Editions, duke vënë kështu dy emra të mëdhenj të gravurës dhe shtypit të artit nën një çati. Lajmin e bëri të ditur Artnet News.

Sipas marrëveshjes, të dy punëtoritë do të vazhdojnë të operojnë normalisht. Objektet e Brand X Editions në Long Island City forcojnë ndjeshëm praninë e Pace Prints në Nju Jork, ndërkohë që Pace Prints po përgatitet të hapë këtë vjeshtë edhe një galeri dhe punëtori të re në Los Angeles.

Organizata e bashkuar do të drejtohet nga presidenti dhe CEO i Pace, Jacob Lewis, i cili e quajti marrëveshjen “tremendous sense” (plotësisht kuptimplotë), duke theksuar se dy shtëpitë kanë bashkëpunuar ngushtë për dekada të tëra.

Pace Prints u themelua në vitin 1968 nga Richard Solomon, përkrah Arne Glimcher të Pace Gallery. Punëtoria e saj, e themeluar nga mjeshtri i shtypit Aldo Crommelynck, ka bashkëpunuar ndër vite me artistë të njohur si George Condo, Louise Nevelson, Nina Chanel Abney dhe Yoshitomo Nara.

Brand X Editions, nga ana tjetër, u themelua në vitin 1979 nga mjeshtri i shtypit Robert “Bob” Blanton dhe ka realizuar projekte me emra si Mickalene Thomas, KAWS, Jeff Koons e shumë artistë të tjerë bashkëkohorë.

Burimi: Artnet News