Pasagjeri i United sulmon stjuardesën dhe tenton të hyjë në kokpit, avioni shpall emergjencë në Newark

Një pasagjer i kompanisë United Airlines u arrestua pasi dyshohet se sulmoi një stjuardesë dhe u përpoq të hynte në kokpit teksa avioni po u ulte në Aeroportin Newark Liberty. Fluturimi United 1837 ishte sapo mbërritur nga Republika Domenikane rreth orës 18:00 të së shtunës kur piloti shpalli emergjencë në bord.

Sipas nypost, regjistrimi i bisedës midis kontrollit të fluturimit dhe një anëtari të ekuipazhit tregon skena të traziruara në momentin e zbritjes; ekuipazhi kërkon që mjetet e emergjencës të jenë të gatshme në pistë, duke raportuar se “një zotëri sapo sulmoi një stjuardesë dhe u përpoq të hapte derën e përparme të kabinës”. Avioni ishte një Boeing 737 Max.

Në bord ishin rreth 170 pasagjerë dhe gjashtë anëtarë të ekuipazhit. Anëtari i ekuipazhit që u lëndua refuzoi ndihmën mjekësore në vend.

Policia mbajti të ndaluar një person 48-vjeçar te porta dhe e dërgoi atë në spital për një vlerësim psikiatrik, sipas raportimit të ABC 7. Raporton nypost se hetimet po vazhdojnë për rrethanat e ngjarjes.