Rich Paul: LeBron nuk po zgjat agjencinë e lirë për të kërkuar vëmendje

Agjenti i LeBron James, Rich Paul, hodhi poshtë idenë se ylli i NBA po vonon vendimin e tij të agjencisë së lirë për të krijuar një shfaqje mediatike ose për të tërhequr vëmendje. Paul theksoi se çështja është një zgjedhje biznesi dhe se nuk ka plani për një ‘Decision’ apo spektakël të ngjashëm.

Siç raporton Bleacher Report, në podcastin e tij “Game Over” Paul sqaroi se vendimi i James është thjesht një çështje profesionale dhe se nuk ka arsye që një sportist të nxitohet në një vendim të tillë. Duke iu përgjigjur sugjerimit të bashkë-prezantuesit Max Kellerman se James “e do vëmendjen”, Paul e quajti këtë një shpjegim të lehtë dhe të parëndësishëm kur mungojnë informacionet e plota.

Paul gjithashtu dha kontekstin e situatës: LeBron, tani 41 vjeç, me shumë gjasa do të luajë vetëm edhe disa sezone dhe nuk është më figura rreth së cilës ndërtohet e gjithë një franҫhizë si më parë. Agjenti tha se ekipet kanë bërë ofertat e tyre dhe se ata janë të kënaqur me atë që kanë dëgjuar — nuk ka nevojë që palët të tejkalojnë kufijtë për të bindur James.

Nga jashtë mund të duket e vështirë të kuptohet vonesa, por LeBron po ndihet pa shumë presion për të marrë vendimin menjëherë dhe nuk ka një afat të caktuar për ta bërë atë, Sipas Bleacher Report.