SHBA – Trump: Nuk ka plane për të shkarkuar Hegseth pas humbjes në zgjedhje

UASHINGTON, 5 nëntor /ATSH-DPA/- Presidenti i SHBA-së Donald Trump tha dje në mbrëmje se nuk po shqyrton mundësinë për shkarkimin e sekretarit të Mbrojtjes Pete Hegseth.

I pyetur një ditë pasi republikanët e tij pësuan humbje në zgjedhjet e mesmandatit, Trump u tha gazetarëve: “Jo, mendoj se ai po bën një punë shumë të mirë”.

Transmetuesi amerikan “CBS News” raportoi më herët se Trump kishte pyetur këshilltarët pas humbjes në zgjedhje nëse Hegseth duhej të qëndronte në postin e tij.

Lufta kundër Iranit, e nisur nga Trump së bashku me Izraelin, ishte një pengesë e madhe për republikanët gjatë fushatës zgjedhore.

Rritja e çmimeve të karburantit ishte ndër shqetësimet kryesore të votuesve amerikanë përpara zgjedhjeve.

Krahas Trump, Hegseth është një nga figurat më të shquara në Shtetet e Bashkuara të Amerikës të lidhura me luftën.

Ai gjithashtu ka qenë nën vëzhgim për njëfarë kohe si një objektiv i mundshëm i procedurave të shkarkimit, të cilat demokratët mund të iniciojnë tani që kanë siguruar një shumicë të re në Dhomën e Përfaqësuesve. /