Të paktën tre të vrarë, përfshirë një fëmijë, në sulmet ruse ndaj Ukrainës
Të paktën tre persona, përfshirë një fëmijë, u vranë pas sulmeve ruse në rajonin e Brovary-t, në verilindje të Kievit, njoftoi një zyrtar i administratës ushtarake rajonale. Tymur Tkachenko shkroi në Telegram se rrëzimi i pjesëve të raketave dëmtuan shtëpi dhe automjete dhe shkaktuan disa zjarre.
Siç raporton CBS News, mbetjet e rëna shkaktuan zjarre në periferi të kryeqytetit; në fshatin Pukhivka u shkatërrua një shtëpi dykatëshe, u dëmtuan dy makina dhe u përfshi nga flakët një magazinë. Njoftimi i administratës rajonale përmend gjithashtu se tre persona të tjerë mbetën të plagosur nga goditjet në rajonin e Brovary-t.
Forcat e armatosura ukrainase paralajmëruan për përdorim të armëve balistike nga veriu, ndërsa administrata ushtarake e Kievit tha se katër persona u plagosën nga sulmet gjatë natës në qytet. Autoritetet shpallën alarm ajror dhe udhëzuan banorët të kërkojnë strehim. Një gazetar në kryeqytet dëgjoi rreth një duzinë shpërthimesh.
Këto sulme vijnë pasi Moska ka rritur ndjeshëm frekuencën e goditjeve ndaj kryeqytetit në muajt e fundit, shpesh duke lëshuar salvo raketash të vështira për t’u ndërprerë, sipas CBS News.
