Të shtëna në spitalin e Çikagos: një polic i vrarë, tjetri në gjendje kritike
Në një incident në një spital të Çikagos, një polic humbi jetën dhe një tjetër mbeti në gjendje kritike pasi një burrë që ishte në kujdestari e autoriteteve dhe po merrte trajtim në institucion hapi zjarr ndaj tyre të shtunën.
Raporton Associated Press se sipas deklaratës së Komandantit të Policisë së Çikagos, Larry Snelling, oficerët kishin sjellë të ndaluarin në Endeavor Health Swedish Hospital për vëzhgim, dhe gjatë kohës që ishin aty të dy u qëlluan; njërin e shpallën i vdekur, ndërsa tjetri po lufton për jetën në spital.
Policia tha se ngjarja ndodhi rreth orës 10:50 paradite; pas të shtënave, i dyshuari u largua nga objekti i spitalit, por më vonë u arrestua dhe u gjet arma e përdorur. Spitali vendosi kampusin në bllokadë dhe njoftoi se pacientët dhe stafi ishin të sigurt. Sipas komunikimit të spitalit, personi në kujdestari ishte kontrolluar me pajisje sigurie (“wanded”) dhe ishte shoqëruar gjatë gjithë kohës nga autoritetet para se të hapte zjarr dhe të largohej nga ndërtesa.
Snelling tha se të dy oficerët ishin pjesë e grupit që kryente transportin e të ndaluarit. Emrat e tyre nuk janë publikuar deri sa familjarët të njoftohen; njëri ishte 38 vjeç dhe me 10 vjet shërbim në departament, tjetri 57 vjeç me 21 vjet përvojë. Kryetari i qytetit, Brandon Johnson, e përshkroi ngjarjen si një tragjedi dhe njoftoi se po ofrohen shërbime të shëndetit mendor për policët.
Hetimet për rrethanat e ngjarjes vazhdojnë dhe autoritetet nuk kanë dhënë detaje të mëtejshme, ndërsa armë e përdorur është sekuestruar nga policia, sipas Associated Press.
