Tuchel paralajmëron: Saka me shumë gjasa nuk do të startojë ndaj Ghanas, pritet rikthim ndaj Panamas

Bukayo Saka hyri në minutën e 72 të ndeshjes së parë të Anglisë ndaj Kroacisë dhe dha asist për golin e katërt që vendosi fitoren 4-2 për ekipin e tij.

Raporton bbc se trajneri i Anglisë, Thomas Tuchel, ka lënë të kuptohet se Saka me shumë gjasë nuk do të jetë në formacionin startues për ndeshjen kundër Ghanas të martën. Para turneut Tuchel kishte shpjeguar se sulmuesi do të duhej të menaxhohej për shkak të një problemi me tendinitin e akilit, ndërsa vetë lojtari ka thënë se ndihet gati dhe është i gatshëm të “rrezikojë” për t’ia dalë gjatë Kupës së Botës.

Tuchel shprehu optimizëm se gjendja e lojtarit do të përmirësohet gradualisht dhe parashikon që Saka të jetë në kushte për të filluar ndeshjen e fundit të fazës së grupeve ndaj Panamas në New Jersey më 27 qershor.

Saka ka mbajtur këtë problem fizik për një kohë dhe, sipas raportimeve nga klubi, Arsenali ishte i shqetësuar por e vlerësoi lojtarin të aftë për të luajtur rregullisht gjatë përfundimit triumfues të kampionatit. Nga ana e tij, trajneri i Arsenalit, Mikel Arteta, ka pasur qasje më të rezervuar në komunikimin për problemet e lojtarëve.

Tuchel duket se po e menaxhon situatën për të ruajtur Saka-n për fazat e mëvonshme të turneut, ndërkohë që, në raste të nevojshme, lojtari mund të hyjë në lojë apo edhe të startojë nëse gjendja e lejon – sipas bbc.