​Vëllai i Hashim Thaçit, Ganiu: Besojmë në luftë ne pastër të UÇK-së

Gani Thaçi, vëllai i Hashim Thaçit tha sot nga Broja, vendlindja e ish presidentit, pak minuta para vendimit të Gjykatës Speciale në Hagë se ai dhe krejt familja e tij besojnë në pafajësinë e katërshes së UÇK-së dhe në luftën e pastër të kësaj ushtrie.

“Besimi në luftën e pastër të UÇK-së, besimi në Zotin, edhe drejtësinë e drejtë”, tha Thaçi.

Ai tha se të gjithë familjarët e ish presidentit janë në Hagë ku presin nga afër vendimin e Gjykatës, por jo edhe nëna. Kjo e fundit, sipas tij, është në shtëpi, në Burojë nga ku e pret edhe vendimin për djalin e tij dhe tre shokët e tij të luftës

“Nëna është në shtëpi, por është e lodhur pak”, tha ai.

Edili Project mbështet këtë mbulim special nga Haga.