Zjarri në pyllin e Sodës, Lamallari: Orë të vështira, po ndjekim çdo çast situatën
Ekipet e zjarrfikësve kanë arritur të vënë nën kontroll flakët që përfshinë pasditen e sotme Pyllin e Sodës në Vlorë, ndërsa strukturat përgjegjëse vijojnë punën në terren për monitorimin e situatës dhe parandalimin e riaktivizimit të vatrave.
Ministri i Brendshëm, Besfort Lamallari, bëri të ditur përmes një reagimi në rrjetet sociale se situata po ndiqet në çdo moment në koordinim me të gjitha strukturat e angazhuara në operacion.
“Orë të vështira në Vlorë për shkak të vatrave të zjarrit në Pyllin e Sodës dhe në disa zona të tjera. Ndjekim në çdo çast situatën në koordinim me të gjitha strukturat në terren që po punojnë për vënien nën kontroll të flakëve”, u shpreh Lamallari.
Ai falënderoi punonjësit e zjarrfikësve, strukturat lokale dhe banorët vendas për angazhimin dhe përballimin e situatës.
“Falënderoj çdo punonjës që po përballet me këtë situatë të vështirë me profesionalizëm dhe përkushtim. Mirënjohje gjithashtu strukturave lokale dhe banorëve vendas për angazhimin. Prioriteti ynë mbetet mbrojtja e jetës së qytetarëve, e banesave dhe e pasurisë natyrore”, deklaroi ministri.
Lamallari theksoi se strukturat do të vijojnë të qëndrojnë në terren deri në normalizimin e plotë të situatës.
[ore_video type=”embed” embed=”PGlmcmFtZSBzcmM9Imh0dHBzOi8vd3d3LmZhY2Vib29rLmNvbS9wbHVnaW5zL3ZpZGVvLnBocD9ocmVmPWh0dHBzJTNBJTJGJTJGd3d3LmZhY2Vib29rLmNvbSUyRnJlZWwlMkYxNDY5MzM4MjMxNjY4OTA2JTJGJnNob3dfdGV4dD0wJndpZHRoPTI2NyIgd2lkdGg9IjI2NyIgaGVpZ2h0PSI0NzYiIHN0eWxlPSJib3JkZXI6bm9uZTtvdmVyZmxvdzpoaWRkZW4iIHNjcm9sbGluZz0ibm8iIGZyYW1lYm9yZGVyPSIwIiBhbGxvd2Z1bGxzY3JlZW49InRydWUiIGFsbG93PSJhdXRvcGxheTsgY2xpcGJvYXJkLXdyaXRlOyBlbmNyeXB0ZWQtbWVkaWE7IHBpY3R1cmUtaW4tcGljdHVyZTsgd2ViLXNoYXJlIiBhbGxvd0Z1bGxTY3JlZW49InRydWUiPjwvaWZyYW1lPg==” align=”center”]
