Thursday, 13 August 2026
Lajmet e fundit
Investimet në inteligjencën artificiale rrisin çmimet për konsumatorët dhe pritet të ndikojnë edhe më tej • Bordi i Kennedy Center vendos t’i rikthejë emrin e Trump në fasadë dhe miraton mbylljen dyvjeçare • Në ‘Sunday Morning’ këtë javë: edicioni i 16 gushtit • Një foshnje me defekt të rëndë të zemrës tani është në përkujdesjen e prindërve pas mosmarrëveshjes me surogaten • Në Michigan ndermerret nisma për krijimin e Caucus-it Demokrat Shqiptaro-Amerikan • Valët rekord të nxehtësisë godasin ekonominë e Shteteve të Bashkuara • Luigi Mangione në bisedime për marrëveshje të mundshme pranimi të fajësisë në çështjen federale • Medikamentet për humbje peshe rrisin shanset e grave për punësim • Stuhia tropikale Lala formohet pranë Havait, lëshohet vërejtje për uragan për Ishullin e Madh • Gjykata e Teksasit heq rregullimin për zbutësit e zërit, pushkët me tub të shkurtër dhe disa lloje armësh •
54°F Detroit
Ballina›Kampionati boteror›Historike! Egnatia shkon në Europë, rrogozhinasit përmbysin me 5 gola Shamrockun
Kampionati boteror

Historike! Egnatia shkon në Europë, rrogozhinasit përmbysin me 5 gola Shamrockun

Egnatia ka shkruar historinë! Rrogozhinasit kanë përmbysur në mënyrë spektakolare Shamrock Rovers me rezultatin 5-1, duke siguruar për herë të parë në historinë e klubit një vend në fazën e ligës të një kompeticioni europian.

Pas humbjes 3-1 në ndeshjen e parë, skuadra e Nevil Dedes realizoi një përmbysje të jashtëzakonshme në Rrogozhinë, duke fituar 6-4 në total dhe duke kaluar në play-off-in e Europa League.

Adjesa ishte protagonist i madh me dy gola, në minutat 4’ dhe 38’, ndërsa Albanese realizoi në 11’ dhe 58’. Golin tjetër e shënoi Gruda në minutën e 20-të.

Edhe pse ekipi i Nevil Dedes mbeti me 10 lojtarë pas përjashtimit të Ndrecës në fundin e pjesës së parë, rrogozhinasit nuk u dorëzuan dhe vijuan dominimin edhe në pjesën e dytë.

Miqtë reaguan duke gjetur njëherë rrjetën me anë të Burkes në minutën e 74’, gol që vlejti vetëm për statistikë.

Kualifikimi në play-off-in e Europa League do të thotë se Egnatia e ka të sigurt matematikisht pjesëmarrjen në fazën e ligës së Conference League, duke garantuar një arritje historike për klubin dhe futbollin shqiptar.

Rregulloret e UEFA-s parashikojnë se ekipet që humbin në play-off-in e Europa League vazhdojnë në fazën e ligës së Conference League.

Egnatia tashmë ëndërron edhe më shumë: një tjetër përballje për të siguruar një vend në fazën e ligës së Europa League, teksa në play off do të ndeshet me norvegjezët e Lillestrom.

REZULTATI:

EGNATIA 5-0 SHAMROCK ROVERS (6-4)

Adjessa 4′, 38′, Albanese 11′, 58′, Gruda 20′ / Burke 74′

FORMACIONET ZYRTARE:

Lini një koment

● Artikuj të ngjashëm