“Nëse vdes pasioni…”- Fjalimi tronditës i Guardiolës para lojtarëve: U divorcova nga gruaja më e bukur në planet

Një dokumentar i prodhuar se fundmi nga “Prime Video”, i titulluar “Beautiful Obsesion” (Obsesioni i bukur), ka zbuluar jetën e teknikut spanjoll Pep Guardiola në dy vitet e tij të fundit te Mançester Siti, mes ankthit për paraqitjet e skuadrës dhe dramën personale që përjetoi me divorcin nga bashkëshortja e tij, Kristina Serra.

Pamjet e këtij dokumentari shfaqin si e përjetoi Guardiola këtë periudhë dhe në një nga fjalimet para skuadrës, pas një humbje në Ligën e Kampioneve, u tregoi gjithçka lojtarëve për telashet e tij në shtëpi.

“Djem, dua të rrëfej diçka. Jam i divorcuar nga gruaja më e bukur në planetin tuaj. Është gruaja ime, ish-gruaja ime. E dashuroj në mënyrë të pabesueshme. Por humbëm pasionin. Për shumë arsye, humbëm pasionin. E dashuroj absolutisht. Ajo më dashuron, po, por humbëm pasionin. Dhe kështu është mënyra si luan futboll. Luan për shkak të diçkaje brenda – por ku është pasioni? Në jetën tuaj, çfarëdo që do të bëni, bëjeni me pasion. Nuk dua lojtarë të mirë, dua lojtarë me pasion”, ishin fjalët e Guardiolës para skuadrës pas një humbje 2-0 përballë Bajer Leverkusen.

Dhe më tej vijoi:

“Unë e lë jetën time, divorcin tim, familja time është larg – dhe gjithçka për të gjithë ju. Dhe çfarë më jepni mbrapsht. Një performancë të tmerrshme që sapo keni bërë – të gjithë ju. Është një turp djem. Dhe ju e dini çfarë do të ndodhë. Do të keni një trajner tjetër”, vijoi ai.

Guardiola dhe gruaja e tij u divorcuan pasi trajneri vendosi të rinovonte kontratën me Mançester Sitin dhe ajo u zhvendos përsëri drejt Spanjës.

Vendimi i Pep për të lënë drejtimin e Sitit erdhi pikërisht për arsyen se donte të qëndronte përsëri pranë saj dhe mendohet se po tenton të ribashkojë familjen tani që po qëndron larg futbollit dhe streseve të tij.