Sonte “Nata e Trashëgimisë Shqiptare” te Red Wings: paketa speciale me hoodie kuqezi për tifozët
Detroit Red Wings presin Chicago Blackhawks në Little Caesars Arena; tifozët me paketën Albanian Heritage marrin hoodie me motive shqiptare, ndërsa 5.000 të parët marrin edhe figurën e Nicklas Lidstrom
Komuniteti shqiptar i Michiganit ka sonte mbrëmjen e vet në arenën e hokejit: Detroit Red Wings organizojnë “Natën e Trashëgimisë Shqiptare” (Albanian Heritage Night) në ndeshjen kundër Chicago Blackhawks, në Little Caesars Arena në Detroit, siç njofton vetë klubi në faqen zyrtare të NHL-së.
Sipas Red Wings, tifozët që blejnë paketën speciale të biletave “Albanian Heritage” marrin një hoodie të Red Wings me motive shqiptare. Dyert e arenës hapen në orën 18:00.
Mbrëmja ka edhe dy ngjarje të tjera paralele: është edhe “Star Wars Night”, ndërsa 5.000 tifozët e parë që hyjnë në arenë marrin figurën koleksionuese (bobblehead) të legjendës Nicklas Lidstrom, pjesë e serisë për 25-vjetorin e kupës Stanley të vitit 2002.
Natën e trashëgimisë shqiptare e kanë bërë traditë vitet e fundit edhe Detroit Tigers në bejsboll; sonte është radha e hokejit, dhe pritet prani e madhe e shqiptarëve të Metro Detroitit në tribunat e Little Caesars Arena.
