FSK-ja dhe strukturat e emergjencave të Shqipërisë stërviten bashkë për kërkim-shpëtim malor në Prevallë
Personeli i Bazës së Mbështetjes dhe Emergjencave Civile të Shqipërisë dhe pjesëtarë të Forcës së Sigurisë së Kosovës kanë zhvilluar një stërvitje të përbashkët për kërkim-shpëtim malor në Prevallë të Prizrenit, siç njofton RTK.
Lajmi u bë i ditur nga ministri i Mbrojtjes i Shqipërisë, Ermal Nufi, sipas të cilit stërvitja është zhvilluar nga 2 deri më 5 nëntor 2026, me pjesëmarrjen e personelit të Bazës së Mbështetjes dhe Emergjencave Civile dhe pjesëtarëve të FSK-së.
Gjatë stërvitjes, pjesëmarrësit shkëmbyen përvoja profesionale, testuan pajisje të reja dhe praktikuan teknika të ndryshme të kërkim-shpëtimit në terren malor, ndërsa një nga skenarët e realizuar ishte evakuimi i një personi të lënduar në kushte malore.
Ministri Nufi theksoi se kjo veprimtari ndihmon në forcimin e kapaciteteve profesionale, rritjen e ndërveprueshmërisë dhe konsolidimin e bashkëpunimit mes strukturave të emergjencave të Shqipërisë dhe Kosovës, në shërbim të jetës dhe sigurisë së qytetarëve.
