Kosova zhvillon stërvitjen e fundit para ndeshjes ndaj Izraelit

Kombëtarja e Kosovës ka përfunduar përgatitjet për ndeshjen ndaj Izraelit, e cila zhvillohet nesër në stadiumin “Fadil Vokrri”, në kuadër të Ligës së Kombeve, siç njofton Telegrafi.

Federata e Futbollit e Kosovës (FFK) ka bërë të ditur se Dardanët kanë zhvilluar sot stërvitjen e fundit para kësaj përballjeje. Përzgjedhësi Franco Foda e ka shfrytëzuar seancën për të punuar në detajet e fundit taktike dhe për ta përgatitur skuadrën për sfidën e rëndësishme.

Atmosfera në kampin e Kosovës është shumë e mirë, ndërsa futbollistët janë të motivuar dhe të përqendruar maksimalisht për ta dhënë më të mirën në këtë ndeshje.

Kosova do të kërkojë mbështetjen e tifozëve në stadiumin “Fadil Vokrri” dhe synon ta shfrytëzojë përparësinë e fushës vendase dhe përkrahjen e tifozëve për një rezultat pozitiv ndaj Izraelit.

Ndeshja nis në orën 15:00, ndërsa tri ditë më vonë, të martën, Kosova luan në transfertë ndaj Irlandës në Dublin.