Tuchel përdor bluzë me mbrojtje nga dielli për t’u mbajtur i freskët gjatë stërvitjeve në SHBA

Trajneri i Anglisë, Thomas Tuchel, u shfaq me kapele dhe një bluzë të veçantë me kapuç gjatë seancës stërvitore në Swope Soccer Village të Kansas City, duke u përpjekur të qëndrojë i freskët nën diellin e fortë, ndërsa shumica e lojtarëve stërvitën me veshje më të lehta.

Sipas bbc, Federata Angleze ka zhvilluar një studim të gjerë për kushtet meteorologjike që do të përballojë ekipi në Kupën e Botës, dhe Tuchel ishte pjesë e delegacionit që mori pjesë në Club World Cup verën e kaluar si pjesë e përgatitjeve taktike dhe logjistike.

Stafi po përdor edhe pajisje teknologjike si ftohës të pëllëmbëve dhe jelekë ftohës për lojtarët, ndërsa studimet tregojnë se shumë ndeshje të turneut pritet të zhvillohen në temperatura mbi 26°C. Ndihmësit e Tuchel, Anthony Barry, Nicolas Mayer dhe Justin Cochrane, u panë gjithashtu me bluzat me mbrojtje nga dielli teksa drejtonin seancën përpara ndeshjes së radhës së grupit kundër Ganës, e cila është programuar të luhet të martën (21:00 BST).

Mes përgatitjeve, Ishte Bukayo Saka ai që mungoi në fushë pasi vijon programin individual brenda ambienteve për një problem me akilit; Tuchel ka paralajmëruar se lojtari është i pamundur të startojë deri në ndeshjen e fundit të Grupit L kundër Panamasë në New Jersey të shtunën, 27 qershor (22:00 BST). Këto detaje raporton bbc.