Haaland karikon skuadrën: Ky Botëror do ta ndryshojë Norvegjinë përgjithmonë

Erling Haaland shënoi një gol dramatik në fund të ndeshjes, ndërsa Norvegjia eliminoi Bregun e Fildishtë nga Kupa e Botës. Nordikët fituan 2-1 dhe në raundin tjetër do të përballen me Brazilin.

Sulmuesi norvegjez kishte qenë kryesisht anonim për pjesën më të madhe të ndeshjes, por u shfaq kur kishte më shumë rëndësi, për të shënuar golin e tij të pestë të turneut dhe për ta çuar Norvegjinë përpara.

Haaland foli për mediat pasi shënoi për të 13-tin ndërkombëtar radhazi: “Është mirë të shohësh se kjo do të thotë kaq shumë për të gjithë Norvegjinë. Mendoj se kjo do ta ndryshojë Norvegjinë përgjithmonë”.

“Ndihem se kjo është diçka që na lidh pak më shumë së bashku, është thjesht prekëse ta shohësh. Kemi arritur deri këtu duke vuajtur të gjithë së bashku. Të shohim se çfarë do të ndodhë më tej”, deklaroi Erling Haaland.