Kane: Performanca jonë më e mirë sulmuese, këto janë ndeshje që duhet t’i fitojmë me forcë

Harry Kane ishte heroi i Anglisë në fitoren 2-1 ndaj Kongo në Kupën e Botës. Sulmuesi i Bayern Munich realizoi dy gola në 15 minutat e fundit të ndeshjes për të përmbysur shifrat dhe avantazhin e rivalëve afrikane deri në ato momente.

“Të jemi të sinqertë, ndihemi të mahnitur. Çfarë loje e çmendur. Para së gjithash, ne luajtëm kundër një ekipi të fortë dhe të organizuar. Pas asaj pauze të parë hidratimi, e rritëm nivelin. Portieri i tyre bëri disa pritje të pabesueshme, por ne vazhduam dhe e dinim se momentet e golit do të vinin”, tha Kane.

Më tej, sulmuesi anglez shtoi: “Kemi momente heroike. Duhet të qëndrosh i duruar në këto ndeshje. Dy ndeshjet e fundit ishin shumë të ngjashme. Presioni është më i lartë. Por ka të bëjë me të qenit vetvetja”.

“Nga pikëpamja sulmuese, është performanca më e mirë deri më tani. Jemi në atë pjesë të turneut ku duhet të fitojmë me forcë. Thjesht u thashë djemve ta shijojnë”, tha Harry Kane, kapiteni i “3 luanëve”.

“Ndonjëherë si lojtar i Anglisë, nuk feston siç duhet. Njësoj si çdo komb tjetër, ne kemi kaluar në raundin tjetër, ndaj ta shijojmë këtë moment. Gjatë 90 minutave, jemi të vështirë për t’u përballuar“, tha Kane.