Haaland kthehet në Oslo me rakunin e konservuar që kushtoi 750 dollarë
Erling Haaland u shfaq në aeroportin e Oslo-s duke sjellë një suvenir të pazakontë: një rakun i konservuar që mban një shishe whisky, pasi Norvegjia u ndal në çerekfinalet e Botërorit me humbjen 2-1 ndaj Anglisë. Sulmuesi 25-vjeçar u kthye në vendlindje pas paraqitjes së fortë të ekipit në turne.
Sipas sports.yahoo, suveniri dyshohet se u bleu në Wild Bill’s Western Store në Dallas për 750 dollarë dhe menjëherë u bë temë diskutimi në rrjetet sociale. Në daljen nga avioni, Haaland reagoi me humor në llogarinë e tij në X duke shkruar: “It followed me home.” Ai po ashtu i pyeti ndjekësit në Instagram për të zgjedhur një emër për rakunin, përmes një sondazhi që përfshinte opsionet “Cowboy”, “Ranger”, “TEX” dhe “R.O.W.”, dhe publikoi mesazhe lamtumire për Shtetet e Bashkuara.
Botërori ishte një moment vendimtar për Haaland: ai shënoi shtatë gola dhe u shndërrua në lojtarin kryesor që ngriti nivelin e përfaqësueses së Norvegjisë. Përtej statistikave, sulmuesi tha se përvoja kishte një ndikim të madh në të dhe se turneu ishte shumë i rëndësishëm për karrierën e tij.
Pas një periudhe pushimi, Haaland pritet të rikthehet tek Manchester City për stërvitjet para-sezonale, ku trajneri i ri Enzo Maresca do të kërkojë që formë e tij e spikatur në skenën ndërkombëtare të vazhdojë edhe në Premier League dhe Champions League, raporton sports.yahoo.
